Teknikat e ndërhyrjes^
Dihet se identiteti i disa objekteve, si automjetet, armët e zjarrit dhe të tjera, përcaktohet nga numra ose të dhëna të tjera të stampuara në sipërfaqen e tyre.
Ndërhyrja e mundshme mbi këta numra, si shuarja ose gërryerja, falsifikimi, krijimi i një numri të rremë, vendosja ose inkorporimi i numrit dhe implantimi i metalit, mund të konstatohet me metoda, materiale, pajisje dhe instrumente shkencore-teknike të njohura ndërkombëtarisht, të dokumentuara shkencërisht dhe të pranueshme gjyqësisht.

Ekzaminime laboratorike ^
Ekzaminimet kryhen për kontrollin e autenticitetit, dekodimin dhe rishfaqjen e të dhënave identifikuese të objekteve të ekzaminuara. Në veçanti, kur gjatë kontrollit të autenticitetit lindin dyshime, kryejmë:

Rezultatet e të gjitha ekzaminimeve laboratorike dokumentohen me fotografi dhe me shfrytëzimin e të dhënave krahasuese.

Vlerësim - Shfrytëzim ^
Përveç kësaj kryejmë:

1. Vlerësimin e raporteve të ekzaminimeve laboratorike të laboratorëve shtetërorë dhe të tjerë, në raste që lidhen me rishfaqjen e të dhënave identifikuese të objekteve të ndryshme, si automjete, armë zjarri, makineri etj.
2. Shfrytëzimin e të dhënaveqë kërkojnë ekzaminim të mëtejshëm, duke evidentuar çështjet kriminalistike që kërkojnë analizë, dokumentim dhe paraqitje të mëtejshme, si edhe me identifikimin e pikave që mund të ekzaminoheshin laboratorikisht por për të cilat nuk u kërkua diçka e tillë.

Pyetje treguese që mund të parashtrohen, sipas çështjes së ekzaminuar^

1. A është i vërtetë dhe fabrikor numri serial i shasisë ose motorit të automjetit?
2. A ka mospërputhje midis numrit të stampuar dhe karakteristikave të automjetit?
3. A ka inkorporim, pra zëvendësim të pjesës së automjetit ku gjendet numri i stampuar?
4. A lidhen shifrat e stampuara të numrit serial me formën grafike fabrike të stampimit të tyre?
5. A mbart automjeti, arma e zjarrit, makineria etj., që është objekt rishitjeje ose blerjeje, shenja që tregojnë ndërhyrje dhe falsifikim të shenjave të tyre fabrikuese?